Ítalskar kjötbollur og heilveitipasta, that´s what´s cooking! Það er mjög auðvelt ef maður er latur að kaupa bara forsoðnar kjötbollur útí búð….en það er svindl, auk þess þá fær maður alltaf eitthvað ógeðis aukabragð sem ég þoli ekki. í kjötbollurnar notaði ég:

UN-hakk, tvö egg, slatta af TUC-bacon kexi, hálfan pakka af púrrulauksúpudufti, afgang af beikoni…mmm beikon, afgang af villisveppaosti til að vega uppá móti, slettu af hindberjasultu til að tala við ostinn…mmm ostur og ferskan chilli til að glíma við sultuna.

Í sósuna nota ég tilbúna Roasted garlic sósu sem fæst í öllum búðum, eina dós af niðursoðnum tómötum, svo set ég lauk, hvítlauk og ætiþistla úti og læt malla vel og lengi með kjötbollunum eftir að þær hafa verið brúnaðar.

Það er mjög mikilvægt að smakka sósuna vel til og bæta jafnvel útí smá salti, svörtum pipar og jafnvel chilli.

Sérlegur vínráðgjafi Toddibrasar, Sigurður Guðmundsson snyrtipinni, mældi sérstaklega með Montes Carmenere rauðvíni frá Chile með þessum rétti og óboj hafði drengurinn rétt fyrir sér!

Með matnum hef ég svo hrúgu af parmesan, smá steinselju og baguette brauð með smjöri.

Einkunn: 8,5 ljúffengt og einfalt!