Sörur lata mannsins eða Hvíthyskissörur a.k.a. White Trash-sörur, ég er allt of fljótfær og ónenninn að nenna að standa í því að gera sörur sem tekur víst marga daga, þetta er svona mitt tvist á þessum bráðnauðsynlegu hátíðarkökum.

Þetta er eins einfalt og nokkrar smákökur geta orðið, maður þarf ekki einu sinni að baka eða neitt!

Í þetta þarf:
2 msk crunchy hnetusmjör
2 msk Nutella
Dass af köldu kaffi
Ritz-kex
Suðusúkkulaðidropa
Súkkulaði með frönsku núggati

Hnetusmjörinu, Nutella-inu og kaffinu er hrært saman, smurt á Ritz-kexið, súkkulaðið er allt brætt saman yfir vatnsbaði og drippað yfir, sett í kæli og VOILA!

Ekkert fancy vesen, dásamlegt bragð, afsakið mig meðan ég skríð aftur inn í hjólhýsið mitt og fæ mér smá landa í sodastream og íkornasteik.