Mjög einfaldur réttur sem hentar frábærlega með alls konar kjöti eða bara sem nart á veisluborð eða í partýið.
Þú þarft:
- 700 gr gulrætur
- 3 msk ólívuolía
- 2 appelsínur
- 3 msk hunang
- Glás af fennel fræjum
- 1 msk chilliflögur
- Reykt paprika
- Salt
Marineringin er sett saman, safinn kreystur úr appelsínunum og blandað saman við olíuna, hunangið, fennel, chilli, reykta paprikuna og salt. Gulræturnar eru látnar liggja í glussanum í dágóðan tíma…tjaa eigum við að segja 2 klst?
Gulræturnar eru síðan settar í eldfast mót og bakaðar í ca 60mín við 200°C, líka hægt að setja á blástur í skemmri tíma en fylgjast bara vel með ef þær byrja brenna og hræra reglulega í.
Safinn af appelsínunum spilar ótrúlega vel við fennelfræin sem gefa lakkrískeim.
Toppnæs!
Töddi brasar 