Ég fór í smá roadtrip ásamt vinnufélögum mínum í hádeginu í dag. Áfangastaðurinn var bakarí sem átti að jafnvel skáka við Brauð&Co. Seljabraut….Seljabraut í efra Breiðholti…allt í lagi þá.

Hverjum dettur eiginlega í hug að opna hipstera bakarí í efra Breiðholti??

Jú, teymið á bakvið hinn geggjaða Le Kock í Ármúla, staðurinn sem átti að opna í Mathöllinni á Hlemmi en þeir ákváðu að taka séns og skella sér bara í Ármúlann…margir veitingamenn hristu hausinn en holymoly hvað það hefur borgað sig. Le Kock er frábær staður og gengur svo vel að hann er farinn að spawna af sér bakarí í Breiðholtinu, veisluþjónustu og matarvagn! Geggjað!

Bakaríið Deig Workshop í Breiðholtinu er frábærlega vel heppnað og eins og Le Kock er byggt einfaldri hugmynd, einföld útfærsla, allt rosa djúsí, kostar ekki mikið og maður fær á tilfinninguna að allt sé heimagert…sem það eflaust er. Meira segja rjómaosturinn er gerður á staðnum. Deig sérhæfir sig í beyglum af öllum tegundum og svo kleinuhringirnir sem voru algjör hittari á Le Kock.

Créme Brulée kleinuhringurinn er gjörsamlega sturlaður!

Video credit: Arna Ýr Sævarsdóttir

Deig er einnig í samstarfi með Omnom og gera trylltar súkkulaðibitakökur sem innihalda Omnom súkkulaði.

Ég mæli hiklaust með roadtrip-i í Breiðholtið, það er sko alveg þess virði að tékka á Deig. Ég fékk mér parmesan beyglu með geggjaðri skinku og rjómaosti og svo smökkuðum við alls konar í eftirrétt. Deig Workshop er aðeins öðruvísi en Brauð&Co. Annað concept. Vonandi ná bæði conceptin að dafna, við þurfum meira svona, minna af Korninu eða hvað þetta nú heitir.

Auðvitað eru nútíma hipsterarnir í Breiðholtinu, það eru bara hugmyndir mínar sem eru úreltar, vel gert!

ATH: Þetta er alls ekki kostuð færsla.