Ég er rosa hrifinn af gulum baunum a.k.a. maísbaunum, ég elska líka maísstöngla, soðna, grillaða, frosna og ferska.

Núna er hægt að fá ferskan maís í flestum verslunum, sem sagt í hýði og það er tilvalið að skella þeim beint á grillið, engin álpappír og ekkert vesen, þegar maísinn hefur fengið að dúsa á heitu grilli í ca 10 mínútur og verið snúið einu sinni þá er hann afhýddur. Það er í góðu lagi þó það kvikni í blöðunum, maísinn skaðast ekki.
Þegar maísinn hefur verið afhýddur er penslað smá smjöri yfir og skellt aftur á grillið og snúið reglulega í ca 3 mín.

Síðan er hann smurður með chilli mæjónesinu:
1 dós Hellmans mæjónes
Safi úr tveimur lime-um
Gróft salt
Chilli flögur

Síðan er maísnum með mæjónesinu á velt upp úr rifnum parmesan.

Þetta er gómsætt og skemmtilegt tvist á annars frekar einfaldan hliðardisk.