Ég datt niður á eitthvað geggjaðasta brokkólípartý sem ég hef upplifað.

Hef alltaf verið hrifinn af brokkólí og blómkáli, það er líka eitthvað svo ofsalega groddalegt að bíta í haus af brokkólí, eitthvað svo barbarískt og fallegt. Eða erum við að tala um spergilkál?? Enn betra!

Þú þarft:

• Spergilkál
• Chipotle paste
• Maukaðan hvítlauk
• Smjör
• Rifinn piparost
• Chilli flögur
• Sesamfræ
• Salt

Ég set nokkrar klípur af smjöri í eldfast mót, hræri saman hvítlauk og chipotle maukinu. Spergilkálið fer svo í fatið og nudda vel upp úr blöndunni. Ríf svo piparost yfir, strái chilli og sesamfræjum, smá salt. Baka í 30 mínútur við 200°C, smá blástur í lokin. Bingó!

Við þurfum að tala um þetta Chipotle paste, það er algjörlega geggjað, ég tæti mig í gegnum hverja krukkuna af annarri. Þetta er hrikalega gott með öllu rótargrænmeti, kartöflum og smjöri og með nautasteik. Algjörlega geggjað og fæst í næsta stórmarkaði, alla vega pottþétt í Hagkaup.

Geggjað eitt og sér, geggjað sem meðlæti, geggjað sem millimál. Geggjað!