Fátt öskrar SUMAR eins og ískaldur ananas á heitum degi.

Nema ananasinn sé beikonvafinn og grillaður.

Það myndast eitthvað rosalega nostalgískt bragð þegar maður grillar saman svínakjöt og ananas, minnir mig á jólin þegar ég var barn. Mamma setti alltaf ananassneiðar á hamborgarhrygginn rétt áður en hann var borinn fram.

Þessi réttur er frábær sem hliðarréttur í grillveisluna og hann kemur sannarlega á óvart.

Þú þarft:

Ferskan ananas

Stubbs Hickory Bourbon bbq-sósu (fæst í Krónunni)

Þykkt beikon

Þurrkað chilli

Aðferð:

Ananasinn er afklæddur og kjarninn skorinn frá, síðann er hann skorinn í ca. þumalstærðar bita. Svo er hver biti vafinn með beikonsneið og bbq-sósu penslað á beikonið, þurrkuðum chilli er svo sáldrað yfir. Sett á grillið þar til beikonið er orðið stökkt.

Ég get ábyrgst það að þetta bragðast unaðslega með köldu hvítvíni.