Ég veit ekki hvað er hægt að segja um þessa böku…annað en að hún er STÓRKOSTLEG.

Þú þarft:

• 2 plötur smjördeig
• 2 egg
• Hálft box af rifnum gráðaosti
• Ca 200gr beikon
• BBQ-sósa (má sleppa)
• Rauðlaukssulta
• Salt og pipar
• Hálft granatepli

Aðferð:

Smjördeigið er flatt út og hæfileg baka búin til, brett uppá kantana o.s.fr.v. Eggin eru hrærð saman með salt og pipar og hellt útá bökuna. Gráðaostur fer svo yfir eggjahræruna.

Á þessum tímapunkti er ég yfirleitt búinn að elda beikonið. Það geri ég með því að leggja það á bökunarplötu, smyrja það með góðri BBQ-sósu, að þessu sinni notaði ég Smokin’ Jones hvítlauks BBQ-sósu sem fæst í Nettó, síðan baka ég beikonið í 15 mín á 180°C.

Beikonið er svo klippt niður í hæfilega bita og sett í bökuna, svo fer rauðlaukssultan yfir og allt inn í ofn í 20 mín við 200°C.

Þegar bakan kemur úr ofninum myl ég meiri gráðaost yfir auk þess sem ég set fræ úr hálfu granatepli. Basically þá er þetta svona:

Það er frábært að skera bökuna í litla bita og bera fram í veislu eða sem forrétt með ísköldu prosecco.