Jólapizza með geitaosti

Pizzur eru í mínum huga ómissandi  í jólahaldinu og aðventunni. Þegar allt er á milljón, engin hefur tíma fyrir neitt flókið þá er eitthvað fallegt við það að eiga stutta stund saman og skella í nokkrar laufléttar pizzur.

2018-11-25 17.55.28

Þessi pizza er með jólaþema, veit ekki af hverju, bara eitthvað við hana sem minnir mig á jólin. Áleggið er rauð epli, hunang, pistasíur, þurrkað chilli og geitaostur. Lyktin af rauðum eplum tryllir mig, minnir mig á þann tíma sem ég vann á ávaxtalagernum hjá Mata, þá overdose-aði maður algjörlega á þessari lykt, en í dag færir hún mér einhvern yl.

2018-11-26 19.14.05

Ég notaði Chavroux geitaostinn (fæst í Krónunni), það er ekki of mikið ullarbragð af honum og það fer vel með hunanginu. Hér gengur allt upp. Ég set niðursoðna marsano tómata í staðinn fyrir pizzasósu (fást út um allt í dag) og smá salt og hvítlaukskrydd yfir, rifinn mozzarella og svo áleggið.

Deigið er einhvern veginn svona:

  • 5 dl hveiti (helst Durum, annars gerið bara það sem ykkur finnst best)
  • 2 msk ólívuolía
  • 1 tsk salt
  • ca 15 gr þurrger (1 lítill pakki)
  • Rúmlega ein matskeið hunang
  • 1 ,,mjólkurglas“ volgt vatn

Ég er voðalega mikið í slumpinu, svo hnoðar maður þessu saman eins og enginn sé morgundagurinn, nú eða setur bara í KitchenAid vélina og lætur malla þar til þetta er orðið að góðri klessu. Þá lætur maður hefast í góða stund (ca 30-45 mín) og svo hefst hnoðið aftur.

  • Tómatarnir fara á fyrstir, hvítlaukskrydd og gróft salt yfir.
  • Rifinn mozzarella
  • Rautt epli, skorið í þunna báta
  • Klessur af  geitaosti dreift jafnt um pizzuna
  • Þurrkað chilli  dreift vel yfir
  • Pistasíurnar eru muldar yfir allt saman.

IMG_20181125_184539_067

Svo er þetta bakað í ca 14 mín á 200°C, athugið að ofninn minn drífur ekki hærra, væri betra að nota meiri hita og jafnvel blástur. Svo gluðar maður hunangi yfir.

Jólin í pizzulíki!

2018-11-25 17.55.02

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google+ photo

You are commenting using your Google+ account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s