Ferskar döðlur eiga hug minn allann. Ég prófaði mig áfram með fjórar útfærslur á þessu vinsæla kokteilboðssnarli. Þar sem döðlurnar eru ferskar eru þær extra mjúkar og því vil ég gjarnan hafa eitthvað crunchy með, ég tek steininn úr og nota þær hálfar í hvern bita, ég nota svo hálfa sneið af beikoni í hvern bita.Svo er þetta bakað í ca 20 mínútur við 200°c.

Beikonið læt ég liggja í bleyti í ca hálftíma áður en ég nota það.

Hér eru útfærslurnar:

1. Döðlur fylltar með crunchy hnetusmjöri, vafðar með beikoni.
2. Döðlur fylltar með rjómaosti, vafið í beikon og með muldum svörtum pipar.
3. Döðlur vafðar með beikoni, smurt með bbq-sósu og með chilli-hrískökum.
4. Döðlur fylltar með sætu sinnepi, vafðar í beikon og sesamfræ yfir.

Árni Georgsson verkefnastjóri Beikon-hátíðarinnar sem fer fram 16. ágúst næstkomandi kom í heimsókn í smakk og var hann sérstaklega hrifinn af crunchy hnetusmjörs döðlunum. Það er hægt að gera milljón útfærslur á þessu og erfitt að gera mistök. Ooooh beikon!