Mascarpone osturinn kryddar upp þetta klassíska samband sem er svo sterkt á milli beikons og daðlna. Eins og það væri ekki nóg þá kemur svarti piparinn eins og sleggja sem slær mann í hnakkann og fullkomnar blönduna.

Mascarpone osturinn er aðeins sætari og mýkri en rjómaostur og er frábær í ostakökur en hérna tengist hann döðlunum böndum sem erfitt er að lýsa. Ég stráði svo muldum svörtum pipar yfir til að fá smá kikk.

Algjörlega tryllt í kokteilboðinu og myndi sóma sér vel með góðum Campari-kokteil.