Þegar ég var á Sikiley sumarið 2016 tók ég eftir því að það var boðið uppá kartöflupizzur á flestum pizzerium, þá var yfirleitt ekki tómatsósa, þetta snerist sem sagt um legasíu, þegar tómata uppskeran var rýr eða kuldatíð þá notuðu Sikileyingarnir kartöflur í staðinn.

Mér til mikillar furðu þá var þetta bara nokkuð gott, yfirleitt fylgdi þessu mikil hvítlauksolía og svartur pipar og stundum hnetur….ok og holymoly hvað ég var vel tanaður síðasta sumar 🙂

Ég hef prófað að gera nokkrar útfærslur og fyrir minn smekk þá finnst mér best að nota döðlur til að fá sætu á móti mjölinu í kartöflunum.

Hér er grunnurinn:

Pizzabotn:

3 dl hveiti

15gr Þurrger

Smá salt

Þurrkað chili

2 msk ólívuolía

1 msk hunang

150ml bjór

Þetta er mjög einfalt í raun, deigið er hnoðað vel, það er algjört lykilatriði, síðan látið hefast í ca hálftíma og þá hnoðað vel þar til það er orðið vel þétt og gott, þá er það flatt út.

Álegg:

Rautt pestó (sólþurrkaðir tómatar)

Pizzaostur

Soðnar kartöflur

Ferskar döðlur

Mascarpone

Valhnetur (gróft muldar)

Klettasalat

Ólívuolía

Sítrónusafi

Svartur pipar

Það er alveg crucial að dreifa vel úr pestóinu og setja svo ost þar yfir og svo kartöflur, döðlur, mascarpone, svo hnetur og smá meiri pizzaost. Bakað í 15mín við 220°C þá er klettasalatið sett yfir, ólívuolía, sítrónusafi og svartur pipar. Sæt, matarmikil og ljúfeng pizza með Sikileyskum tónum.